റോയല് എന്ഫീല്ഡ് തങ്ങളുടെ പ്രശസ്തമായ റോഡ്സ്റ്റര് മോഡലായ ഗറില്ല 450യുടെ പുതിയ പതിപ്പ് ഇന്ത്യന് വിപണിയിലുമെത്തിച്ചു. സ്പോര്ട്ടിയര് വേരിയന്റായ അപെക്സാണ് പുതുതായി എത്തിച്ചത്. പുതിയ മാറ്റങ്ങളോടെ എത്തുന്ന ഗറില്ല 450 നിരയുടെ എക്സ്-ഷോറൂം വില 2.49 ലക്ഷം രൂപ മുതല് 2.72 ലക്ഷം രൂപ വരെയാണ്. ഉപഭോക്താക്കളുടെ അഭിപ്രായങ്ങള് കൂടി പരിഗണിച്ചാണ് പുതിയ അപ്ഡേറ്റുകള് കമ്പനി നല്കിയിരിക്കുന്നത്. ഗറില്ല 450 നിരയിലെ ഏറ്റവും സ്പോര്ട്ടിയായ വേരിയന്റാണ് അപെക്സ്.
പ്രധാന മാറ്റങ്ങള്
എന്ജിന്, പെര്ഫോമന്സ്
എന്ജിന് കാര്യക്ഷമതയില് മാറ്റങ്ങളില്ലാതെയാണ് പുതിയ വേരിയന്റ് എത്തിയിരിക്കുന്നത്. ഹിമാലയന് 450യില് ഉപയോഗിക്കുന്ന അതേ ഷെര്പ പ്ലാറ്റ്ഫോമാണ് ഇതിലും തുടരുന്നത്.
വില വിവരം (എക്സ്-ഷോറൂം)
അപെക്സ് (റെഡ്, ഗ്രീന്, ബ്ലാക്ക്) -2.49 ലക്ഷം -2.56 ലക്ഷംഡാഷ് (ട്വിലൈറ്റ് ബ്ലൂ, ഷാഡോ ആഷ്) - 2.49 ലക്ഷം -2.67ലക്ഷംഫ്ളാഷ് (ബ്രാവ ബ്ലൂ) - 2.72 ലക്ഷം
മറ്റ് മാറ്റങ്ങള്
സാധാരണ മോഡലുകളായ ഡാഷ്, ഫ്ളാഷ് (Flash) എന്നിവയിലെ ടയറുകളുടെ ക്വാളിറ്റി വര്ധിപ്പിച്ചു. ഇത് നനവുള്ള റോഡുകളില് 17% കൂടുതല് ഗ്രിപ്പ് നല്കുമെന്ന് കമ്പനി അവകാശപ്പെടുന്നു. കൂടാതെ 'ഡാഷ്' വേരിയന്റില് പുതിയ ട്വിലൈറ്റ് ബ്ലൂ എന്ന നിറവും ഹാന്ഡ്ഗാര്ഡുകളും ലഭ്യമാണ്. ബൈക്കിന്റെ ബുക്കിങ് ആരംഭിച്ചു കഴിഞ്ഞു, മാര്ച്ച് 31 മുതല് വിതരണം തുടങ്ങും.
Content Highlights : 2026 Royal Enfield Guerrilla 450 Launched At ₹2.49 Lakh